Dr Hirsch machtn Bass

Ein Lied über den Wald.

Im Wald wachsen Schwamme, im Wald sei de Baam
ich laaf übers Moos bis nauf zum Waldsaam.
Im Wald isses finster, im Wald isses schie,
Ich pflock mr paar Beer und setz mich kurz hie.
Ne Maus guckt mich a, e Vugel fliecht vorbei,
Es riecht weng nach Fuchs, irngdewu muss er sei.

Ref.: Es raschelt im Gebüsch - dr Wind erzählt mr was
de Micken wolln tanzn - und dr Hirsch machtn Bass
und dr Hirsch machtn Bass  - und dr Hirsch machtn Bass!

Im Wald wohnt de Wildsau, im Wald lebbt is Reh
Im Sommer lieng Äst rum, im Winter dr Schnee.
Im Wald gieh ich spaziern, im Wald laaf ich weit.
Brauch net ze reden, treff selten paar Leit.
Ich guck mich im Wald um, ´s Achkatzel guckt a,
am Gacherstand grießt mich ´n Förster sei Fraa.

Ref.: Es raschelt im Gebüsch - dr Wind erzählt mr was
de Micken wolln tanzn - und dr Hirsch machtn Bass
und dr Hirsch machtn Bass - und dr Hirsch machtn Bass!

Im Wald schreit dr Uhu, im Wald bleekt is Wild
de Sonn durch de Blätter malt e schie grienes Bild.
Im Wald möcht ich bleim, im Wald hab ich Ruh
Ich lehn mich an Baam na un mach de Aang zu

Ref.: Es raschelt im Gebüsch - dr Wind erzählt mr was
de Micken wolln tanzn - und dr Hirsch machtn Bass
und dr Hirsch machtn Bass - und dr Hirsch machtn Bass!

Text: Ramona Markstein, Musik: Tobias Markstein 2015